Boksieri filipinas Manny Pacquaio do të kthehet në ring më 5 nëntor ku do të përballet me amerikanin Jessie Vargas për titullin WBO në kategorinë velter, raporton BBC.
Ish-kampioni i botës në tetë kategori të ndryshme, Pacquiao 37-vjeçar, në prill kishte deklaruar se po pensionohet pas fitores që e shënoi ndaj amerikanit Timothy Bradley, përcjell Koha Ditore.
Por promotori i tij, Bob Arum, muajin e kaluar kishte njoftuar se filipinasi do të ngjitet në ring sërish këtë vit.
“Pensionimi nuk i përshtatet Mannyt tash për tash. Boksi është në gjakun e tij. Kur ai stërvitet, është sikur liron presionin.
Mund të shohësh dallimin dramatik në disponimin e tij, ai është i lumtur”, ka deklaruar menaxheri i Pacquiaos, Michael Koncz. (b.an)
