Ish zëvendëskryeministri i Kosovës, biznesmeni Behgjet Pacolli, ka kritikuar ish ministrin e Transporteve, Fatmir Limajn, ish kryetarin e Prishtinës tash kryeministrin Isa Mustafa dhe kryetarin aktual Shpend Ahmetin për kaosin e krijuar në kryeqytet. Është kthyer te një kritikë e tij e vjetër për rrethrrotullimin te Spitali.
“Në një shkrim timin të publikuar në muajin prill këtë vit, e pata quajtur veprën më të shëmtuar në botë rreth-rrotullimin në dalje të Prishtinës, afër Spitalit. Sot ju e patë edhe vetë, se si një tunel i tillë shkakton këtë kaos në Prishtinë, vetëm sepse reduktohet rruga në një korsi në atë tunel”, ka thënë Pacolli.
“Ky tunel është bërë sikur të ishim në vitet 50-a. Sot ky tunel është shkaktar i krijimit të radhëve kilometrike, nga Graçanica deri në Obiliq”, ka shtuar ai. Ky është vizioni i Fatmir Limës, Isa Mustafës dhe Shpend Ahmetit, ka thënë më tej ai.
