Behgjet Pacolli dhe tre deputetë të partisë së tij, AKR-së, të enjten kanë qenë bashkë me kolegët e tyre të koalicionit LAA, e edhe me deputetët e LVV-së në vazhdimin e seancës konstitutive të Kuvendit, e cila është duke u bojkotuar nga fituesi relativ i zgjedhjeve, koalicioni PAN.
Por Pacolli dhe partia e tij tashmë po shihen si partnerë të PAN-it, shkruan Koha Ditore.
Si justifikim për të ndërruar kampin politik është duke u konsideruar ultimatumi i kreut të AKR-së, nëpërmjet të cilit ka kërkuar nga LVV-ja dhe partia kryesore e koalicionit LAA, LDK-ja, që brenda dhjetë ditësh t’ia dëshmojnë se e kanë marrëveshjen mes vete dhe e kanë siguruar shumicën për ta formuar Qeverinë.
Imer Mushkolaj është analist politik dhe nuk sheh mundësi që brenda afatit kohor prej dhjetë ditësh, siç kërkohet me ultimatum, të mundë të përmbushet kërkesa e Pacollit. (b.an)
