Një mjeke në spitalin e Durrësit është proceduar penalisht për veprën penale, “Mjekim i Pakujdesshëm”.
47-vjeçarja P.K banuese në Durrës dyshohet se ka mjekuar në mënyrë të pakujdesshme 40-vjeçarin E.M i cili më pas ka ndërruar jetë në banesë.
Sipas policisë kallëzimi është bërë nga vëllai i viktimës,31-vjeçari E.M, ndërsa grupi hetimor vijon punën për zbardhjen e plotë të rrethanave të ngjarjes.
Ndërkohë materialet i kaluan Prokurorisë, për veprime të mëtejshme.
Informacioni policisë
Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës.
Për këtë shtetase ka bërë kallëzim shtetasi E. M., 31 vjeç, pasi dyshohet se ka mjekuar në mënyrë të pakujdesshme vëllanë e tij, shtetasin E. M., 40 vjeç, i cili ka ndërruar jetë në banesë.
Grupi hetimor vijon punën për zbardhjen e plotë të rrethanave të ngjarjes.
Materialet i kaluan Prokurorisë, për veprime të mëtejshme.
g.kosovari
