Franca është një prej shteteve të Europës që është goditur nga koronavirusi dhe regjistron çdo ditë shifra tronditëse.
Në rajonin Ille de France ka patur numër të lartë pacientësh të cilët kanë nevojë për trajtim intensiv. Agjencia e lajmeve AFP ka ofruar një shikim të asaj që ndodh në këto njësi, në një spital në jug të Parisit (shikoni në fotogaleri).
Ditën e hënë, Franca raportoi numrin më të lartë të viktimave që kur ka shpërthyer koronavirusi në vend, 833 vdekje brenda 24 orësh.
Ky shtet ka gjithsej 8911 të vdekur dhe 98010 të infektuar. Vendi nuk e ka arritur ende pikun e pandemisë, ka njoftuar Ministri i Shëndetësisë Olivier Veran.
Franca duket se po ecën me vrullin e Italisë dhe Spanjës, dy shtetet e Europës që kanë shifrat më të larta të viktimave dhe të infektuarve.
