Banorët e fshatit Peshtan në Fier kanë dalë sot në një protestë dhe shkak për këtë është bërë mosfurnizimi me ujë të pijshëm i tyre prej më shumë se një viti.
Të prekur nga ky problem janë më shumë se 2 mijë banorë të cilët nuk kanë ujë dhe detyrohen që të mbushin ujin që konsumojnë çdo ditë në një burim që është rreth 2 kilometër larg fshatit.
Furnizimi me ujë është problematik dhe mungon totalisht jo vetëm në çezmat e konsumatorëve, por edhe në godinën e shkollës 9-vjeçare të fshatit.
Sipas banorëve, shkak i mungesës së ujit të pijshëm është djegia e një pompe që sjell ujin në fshat.
Shqiptarja.com
