Përfaqësuesja shqiptare e futbollit ka zhvilluar dje ndoshta një nga ndeshjet më të mira që kur drejtimin e saj e ka marrë Kristian Panuçi.
Po të shohësh statistikat, kuqezinjtë kanë dominuar thuajse në çdo statistikë, përveç asaj të shënimit të golave.
Kështu, rezulton se gjuajtjet në portë kanë qenë 19-13 për kuqezinjtë, ku Shqipëria ka tentuar 10 herë portën nga brenda zonës dhe 9 herë nga jashtë saj, duke detyruar në total portierin kundërshtar të bënte 7 pritje.
Harta e gjuajtjeve ne porte te Shqiperise gjate ndeshjes ndaj Izraelit
Edhe në pasime, Shqipëria ka qenë dominuese, me 505 pasime ndaj 316 të kundërshtarit.
Edhe në këtë rast, bëhet fjalë për një të dhënë që pasqyron lojë ofensive, pasi 361 pasime janë bërë përpara, në drejtim të sulmit dhe jo drejt krahëve.
“Mbreti” i pasimeve ishte Ledian Memushaj me 72 të tillë, i ndjekur nga Xhaka me 67 dhe Binaku me 64.
Me saktësinë e pasimit 86% dhe me 61,9% të mbajtjes së topit në këtë sfidë, duket ende e pakuptimtë se si kuqezinjtë dolën nga stadiumi i Ber Sheba nga një ndeshje e tillë.
a.ç
