Një karburant ka rënë pre e grabitjes gjatë mbrëmjes së të dielës. Ngjarja ka ndodhur në aksin rrugor Elbasan-Peqin, në fshatin Hoxhaj.
Si të dyshuar për ngjarjen, gjatë paradites së sotme janë vënë në pranga Meridian Hoxha dhe Dervish Hoxha.
Rezulton se të dyshuarit kanë njohje me të zotët e karburantit dhe për këtë arsye vjedhja ka ndodhur pa armë dhe kërcënime.
Mësohet se njëri nga të dyshuarit ka mbajtur me muhabet gruan e të zotit të karburantit, ndërkohë që tjetri merrte paratë, mendohet rreth 1 milion lekë të vjetra.
Ngjarja u zbulua nga këqyrja e kamerave të sigurisë, duke vënë në pranga dy kushërinjtë.
Mësohet se karburanti që ra pre e vjedhjes është në pronësi të Zija Hoxhës, ndërkohë që hetimet lidhur me ngjarjen janë në vijim.
/a.rada
