Mesfushori i Arsenalit, Mesut Ozil, ka kërkuar që trajneri i skuadrës Arsene Wenger të bëjë shpenzime gjatë verës për të forcuar skuadrën për kampanjën e ardhshme.
“Topçinjtë” në 12 muajt e fundit kanë transferuar vetëm Petr Cechun dhe Mohamed Elnenyn, dhe Ozil thotë se skuadrës i duhen më shumë transferime për të garuar për titull.
“E dimë që nuk do të jetë lehtë dhe na duhen përforcime nëse duam që të jemi në maje. Është interesante që të shihet kush po investon në kë dhe çfarë bëjnë klubet gjatë verës”, ka thënë ai duke shtuar se Premier Liga do të jetë edhe më e fortë pas ardhjes së Pep Guardiolas te Manchester City.
