Vendet e pasura duhet të gjejnë një mënyrë për të prodhuar në masë vaksina me kosto të ulët për të mbrojtur çdo person, kudo në botë, nga COVID-19 dhe për të shmangur një katastrofë ekonomike globale, me humbje që llogariten mbi 9 trilionë dollarë. Apeli vjen nga Takimet e Pranverës të Fondit Monetar Ndërkombëtar dhe Bankës Botërore, të planifikuara nga Oxfam, anëtare e Aleancës së Vaksinave të Popullit.
Mungesa e një aksioni global për vaksinimin masiv nga ekonomitë e përparuara, shkruan Oxfam, do të çonte, sipas vlerësimeve më pesimiste të Dhomës Ndërkombëtare të Tregtisë, në 9.200 miliardë dollarë humbje ekonomike totale në fund të vitit 2021, nga të cilat rreth gjysma do të bien pikërisht mbi vendet më të pasura.
Në detaje, sipas Oxfam, SHBA mund të humbasin deri në 2 700 dollarë në kapacitetin shpenzues për frymë në 2021, ose rreth 1 300 dollarë më shumë se subvencioni i siguruar nga administrata e Biden, duke arritur një rënie të PBB-së kombëtare prej 1 300 miliardë dollar në fund të vitit, ndërsa Italia mund të regjistrojë një tkurrje të kapacitetit shpenzues për frymë prej 1 495 dollarë; Japonia e 1 451; Mbretëria e Bashkuar prej 1 380, ose rreth 70% e pagës mesatare mujore; Franca 1 239 për frymë, ekuivalente me koston mesatare të një qiraje; Kanadaja 1 979 dollarë.
