Për të siguruar energjinë elektrike pa ndërprerje sot, OSHEE ka nxjerrë në terren 1.800 punonjës që do të monitorojnë situatën 24 orë pa ndërprerje.
Ndërkohë është publikuar edhe harta e grupeve të gatshme dhe numrat e telefonit, sipas rajoneve, që njerëzit mund të përdorin nëse do të ketë probleme me energjinë elektrike.
Gatishmëria është organizuar mbi planin e masave teknike, e koordinuar nga secila Drejtori Rajonale e OSHEE-së, në të gjithë territorin sipas rajoneve, për ndjekjen e regjimit të punës së rrjetit shpërndarës, lokalizimin e defekteve dhe marrjen e masave për zgjidhjen e avarive të rrjetit shpërndarës, që furnizon spitalet, objektet e rëndësisë së veçantë, të gjithë konsumatorët.
Për një organizim më të mirë të punës, OSHEE fton abonentët të njoftojnë përmes numrave të kontaktit të afishuar në hartën përkatëse sipas rajoneve.tch/a.k
