Kompania e Shpërndarjes së Energjisë Elektrike (OSHEE) do të aplikojë një skemë të re për rreth 155 mijë debitorë familjarë ndaj kompanisë. Pavarësisht shumës së debisë që këto abonentë kanë pranë OSHEE-së, bordi i kompanisë ka marrë vendim që shuma që ata paguajnë në muaj nga aktmarrëveshja që kanë të mos jetë më e lartë se 2800 lekë të rinj. Në këtë mënyrë fatura korrente që ata paguajnë shkon mesatarisht 6 mijë lekë.
Albana Ferraj, drejtore e Arkëtimeve pranë OSHEE-së thotë se për kategoritë në nevojë skemat janë akoma dhe më lehtësuese. Kompania vendosi që të bënte marrëveshje të reja me debitorët edhe pas përfundimit të pajisjes me matësa.
Fatura që u vjen abonentëve që kanë ndërruar sahatet në këto muaj do të jetë më e lartë se aforfetë që paguanin më parë. Të gjithë debitorët duhet të shkojnë në zyrat e Kujdesit ndaj Klientit për të ndryshuar kontratën.
