OSHEE po investon 17 milionë dollarë vetëm në zonën e Shkodrës, ku ndër të tjera përfshihet vendosja në punë e nënstacionit të Bushatit.
Administratori i Operatorit të Sistemit të Shpërndarjes OSHEE-së, Adrian Çela ishte në Shkodër, ku pa nga afër Shërbimin ndaj Klientit, në ambientet e reja.
“Aktualisht që flasim janë investuar dhe ndodhen në proces objekte me vlerë rreth 17 milionë dollarë, ku me i rëndësishëm është vendosja në funksion i N/st të Bushatit, si dhe do ndërtojmë një Nënstacion të ri në zonën e Tamarës”, tha Çela.
Ai tha se ka një rritje të arkëtimeve me 4 miliardë lekë në raport me vitet 2013-2014, kurse humbjet kanë zbritur në 43 nga 64% në 2013-n. Ndërsa ankesat për keqfaturim nuk zënë më shumë se 0.3% për gjithë vitin 2016./b.d
