Operator i Shpërndarjes së Energjisë Elektrike (OSHEE) ka dënuar me forcë aktin kriminal, me pasojë vdekjen e punonjësit, Sajmir Jaku, të ndodhur sot në Rrëshen. OSHEE bën të ditur se Saimir Jaku, i moshës 33 vjeç, deri më datën 31.08.2016 ka mbajtur detyrën e Drejtorit të Njesise së Tensionit të Larte Veri. Më datën 01.09.2016, është transferuar në Drejtorinë e Tensionit të Lartë në Tiranë në pozicionin Shef Sektori i Asistencës Teknike SCADA + GIS / Dega Teknike, nga ku kryente detyrën normalisht deri në ditën e sotme.
“Në lidhje me deklaratat e deputetit të PD-së, Sali Berisha, OSHEE kërkon të sqarojë gjithashtu se “dëshmia penale” lëshuar nga Ministria e Drejtësisë dhe formulari i dekriminalizimit, plotësuar nga Jaku, tregojnë se punonjësi nuk është dënuar për vepra penale. OSHEE i shpreh ngushëllime familjes dhe u bën thirrje organeve të drejtësisë të zbardhin sa më parë ngjarjen kriminale”, përfundon deklarata e OSHEE.
ma.me
saimir-jaku_-deshmia-e-penalitetit
