“Do të isha e nderuar nëse do të merrja pasaportën ruse nga Putini. Në fillim mora lejen e qëndrimit dhe ka një muaj që po punoj për kalimin e fazës së fundit, atë të marrjes së nënshtetësisë”.
Një muaj më parë, televizioni shtetëror rus kishte njoftuar transferimin e ikonës kinematografike italiane në Moskë, ku kishte blerë një vilë në një zonë eskluzive të kryeqytetitt.
Për të motivuar vendimin e saj, Muti kishte deklaruar për televizionin rus se e adhuronte Italinë, por sipas saj “duhet të jesh aty ku është e ardhmja. Rusia është vendi i rrënjëve të mia, i gjyshes dhe gjyshit tim, i mamasë time. Unë gjithnjë jam përpjekur të gjej te vetja ime këto rrënjë ruse”.
Në Moskë jeton edhe i fejuari i Ornella-s, biznesmeni francez Fabrice Kerherve. Pikërisht këtu ka prezantuar kohët e fundit një linjë kozmetike të quajtur “SkinStar”. Por Muti ka edhe dy projekte të tjera profesionale, një linjë çorapesh dhe një restorant italian. /ma.me
