Policia e Qarkut Durrës i ka vendosur gjobë 1 milionë lekë administratorit të një lokali dhe gjithashtu i ka mbyllur aktivitetin për një periudhë 6-mujore, pasi u konstatua se organizonte ceremoni martesore në mënyrë të përsëritur, në kundërshtim me Aktin Normativ.
Strukturat e Drejtorisë Vendore të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Verjon, Nikël, Fushë – Krujë, një lokal që organizonte ceremoni martesore në kundërshtim me Aktin Normativ, në mënyrë të përsëritur.
Për këtë subjekt me administrator shtetasin D. Ç., shërbimet e Policisë kanë vendosur masë administrative 1.000.000 lekë dhe mbyllje të aktivitetit për një periudhë 6-mujore.
“Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19”.
g.kosovari
Shtet i dobet. Me zir te madh mezi identifikon thyeresit e ligjit dhe me frike te madhe vendos nje gjobe koronavirusi.
E cila me siguri do te apelohet.
Shteti i pandeshkueshmerise njelloj si me Berishen.