“Budva edhe këtë verë dëshiron të mirëpresë të gjithë mysafirët e rajonit, pikërisht ata që i konsiderojmë më shumë se thjesht mysafirë, ata të cilët gjatë viteve dhe dekadave të kaluara janë dashuruar me bregun e saj të mrekullueshëm. Mysafirët që na njohin mirë dhe i njohim mirë, të cilët Vitin e Ri e presin me ne si dhe argëtohen në karnavale apo ballo me maska. Ata tek ne apo ne tek ata, rëndësi ka që kremtimet dhe festat më të rëndësishme i kalojmë së bashku… Ne nuk duhet t’u rikujtomë miqve tanë nga rajoni faktin që jemi këtu, pasi falë dashurisë dhe përkushtimit tone, i kemi mbijetuar të gjitha sfidave të deritanishme.”- theksoi Maja Lijasheviq, drejtoreshë e Organizatës Turistike të Komunës Budvë, duke promovuar fushatën “Budva, dashuri e cila zgjat”.
Fushata edhe këtë vit i kushton vëmendje të veçantë tregut rajonal, posaçërisht fqinjëve më të afërt: Serbisë, Bosnjë e Hercegovinës, Shqipërisë, Maqedonisë dhe Kroacisë, të cilët shënojnë 35% të numrit të përgjithshëm të vizitorëve në nivel vjetor.
Sipas fjalëve të drejtoreshës së Organizatës Turistike të Komunës Budvë, destinacionit veror më të rëndësishëm turistik në Malin e Zi, sezoni që vijon do të jetë plot me sfida me të cilat nuk janë ballafaquar kurrë më parë. Ekonomia e përgjithshme e Budvës, ndërmarrjet përgjegjëse dhe shërbimet lokale po shfrytëzojnë këto ditë që të rihapin hotelet, baret në plazhe, vendpushimet, pishinat dhe tarracat…
“Hotelierët, veçanërisht ata të kategorisë së lartë, si dhe një pjesë e pronarëve të restoranteve akoma janë në fazën e rihapjes së objekteve të tyre, sepse kufijtë edhe vijojnë të jenë të mbyllur. Gjithashtu, situata epidemiologjike në Rusi dhe vendet tjera të ish- Bashkimit Sovjetik është shumë serioze, dhe kjo ndikon sepse këto tregje janë tejet të rëndësishme për akomodim të kësaj kategorie. Nga ana tjetër, hotelierët private, të cilët akomodojnë 65% të pushuesve, qiramarrësit e pushimoreve publike dhe numri më i madh i hotelierëve pikërisht mbështeten në tregun vendor dhe pikërisht në emër të tyre ne po promovojmë të gjitha lokalitetet më të bukura që zotëron Budva jonë. Fushatën do ta realizojmë në të gjitha vendet përreth, nëpërmjet të gjitha kanaleve të komunikimit, ndërsa qëllimi është që nëpërmjet mesazhit, të cilin e japim përzemërsisht dhe me shumë mikpritje, por edhe me cilësinë e prodhimit që ofrojmë, këtë verë mysafirët tanë në Budva të ndihhen si në shtëpi”, deklaroi drejtoresha e Organizatës Turistike të Komunës Budvë.
