Kongresi i Autoriteteve Lokale dhe Rajonale, njëra nga shumë organizatat që janë pjesë e KiE-së dhe që nuk ka lidhje me BE-në, ka sqaruar vendimin se përse nuk do të sjellë vëzhgues në Shqipëri. Selia e kësaj organizate, pjesë e së cilës është edhe Voltana Ademi, ndodhet në Francë, ndërsa sqaron se nuk sjell vëzhgues për shkak të pasigurisë dhe faktit se 30 nga 61 bashki nuk kanë kandidatë. Në reagim organizata nuk komenton aspak ligjshmërinë e zgjedhjeve dhe vendimin për zhvillimin e tyre.
Deklarata e plotë
Në dritën e zhvillimeve të fundit dhe pasigurisë në Shqipëri në lidhje me pjesëmarrjen e plotë të spektrit politik të kandidatëve dhe partive në zgjedhjet lokale më 30 qershor 2019, Kongresi i Autoriteteve Lokale dhe Rajonale ka vendosur të mos dërgojë mision vëzhguesish për zgjedhjet.
Duke pasur parasysh faktin se në 31 nga 61 komunat ka vetëm një kandidat në garë për votimin lokal, është e vështirë të pritet një konkurrencë e rëndësishme politike dhe kjo nënkupton rrezikun logjistik për Këshillin se nuk është në gjendje të vendosë një mision të plotë përgjatë gjithë vendit, një procedurë standarde gjatë Misioneve të Zgjedhjeve të Kongresit në përputhje me rregullat tona.
Misionet e Kongresit bazohen në vëzhgimin e zgjedhjeve lokale dhe rajonale me pjesëmarrje të gjerë të forcave të ndryshme politike të një vendi, dhe kështu Kongresi asnjëherë nuk ka vëzhguar zgjedhje pa pjesëmarrjen kuptimplotë të opozitës.
Vendimi i Kongresit është marrë në konsideratë të të gjithë informacioneve të disponueshme për ne, si në lidhje me situatën politike dhe logjistike. Kongresi nuk bën asnjë deklaratë këtu për ligjshmërinë e këtyre zgjedhjeve dhe kjo nuk ka të bëjë fare me pyetjen nëse dhe kur do të mbahen zgjedhjet lokale. Ky është vendim autonom vetëm i Shqipërisë/l.m
