24 orë para përfundimit të afatit për aplikimet e kandidatëve për anëtarë të organeve te vettingut, institucioni i Avokatit te Popullit publikon listën me emrat e kandidatëve. Numërohen mbi 100 kandidatë, brenda dhe jashtë vendit, që kanë shprehur interes për 27 postet e anëtarëve të institucioneve që do të bëjnë rivlerësimin kalimtar të gjyqtarëve dhe prokurorëve shqiptarë.
Ndërsa afati i fundit i aplikimit përfundon në orën 23:59 të datës 9 shkurt, Avokati i Popullit bën edhe njëherë thirrje për sa më shumë gjithëpërfshirje në këtë proces me rëndësi jetike për shqiptarët. “Është koha e qytetarëve shqiptarë brenda dhe jashtë vendit. Është një moment kthese për Atdheun tonë”, thuhet në deklaratën e Avokatit të Popullit. /b.d
