Persona të sëmurë do të marrin organet e pilotit britanik Justin Wilson, i cili humbi jetën pas një aksidenti fatal në garat e IndyCar në Pensilvani. Vëllai i 37-vjeçarit, Stefan Wilson, në një postim në Twitter theksonte se Justin ka shpëtuar 6 jetë njerëzish që ishin në pritje të një dhuruesi për t’u nënshtruar transplanteve të organeve të ndryshme.
Wilson qëndroi për 24 orë në koma pas goditjes që mori në kokë nga një pjesë e shkëputur nga makina e Sage Karam, i cili u përplas dhunshëm në murin mbrojtës.
Justin Wilson që nga viti 2008 ka marrë pjesë në garat e IndyCar, ndërsa në vitin 2003 ka qenë pilot i Minardit në Formula 1, ku ka garuar në 16 çmime të mëdha, por pa lënë gjurmë.
