Një 31-vjeçar nga malësia e Madhe u mor peng për disa orë nga një shok i tij nga Velipoja për shkak të një borxhi të pakthyer. Shtetasi Pjetër Naka u mor nën kërcënimin e armës në makinë nga 38-vjeçari Dodë Gjikolaj, pasi ky i fundit i kërkonte borxhin e pakthyer prej 4 mijë eurosh.
Mësohet se pnegmarrësi nuk i ndaloi as postbllokut të policisë. Ndërkohë, pengu u lirua pas negociatave me policinë. Tashmë të dy këta persona janë shoqëruar në komisariat.
NGJARJA
Më datë 14.08.2017, kemi marrë një telefonatë në sallën e komandimit se në Velipojë, shtetasi Pjeter Narka, me shtetasin Dodë Gjikolaj kanë patur një konflikt.
Nga konfirmimet e familjarëve të personit të demtuar mësohet se shtetasi Dodë Gjikolaj për shkak të një borxhi të pa shlyer, në vendin e quajtur Velipojë, Shkodër, ka marrë jashtë deshirës së tij shtetasin Pjeter Narka, në automjetin tip “Smart” me targa AA 681 BF.
Menjëherë janë vënë në lëvizje forcat Policisë ku në bazë të informacioneve policore dhe në vijim të punës së mirëorganizuar u bë e mundur në orët e para të mëngjesit të bëhet shoqërimi i palëve në konflikt për sqarimin e rrethanave të konfliktit i shtetasve:
Dodë Gjikolaj, 38 vjeç, lindur në Kurbnesh, Mirditë dhe banues në Velipojë, Shkodër,
Dhe shtetasit: Pjeter Narka, 31 vjeç, banues në fshatin Kastrat, Malësi e Madhe,
Vijojnë veprimet për sqarimin e plotë të rrethanave të ngjarjes.
