“Aldo Morning Show” ka zgjedhur si temë dite analizimin e një rasti disi të “sikletshëm”. Një vajzë i prezanton djalin që dashuron familjes së saj, por nëna nuk e pranon pasi babai i tij ka qenë dikur ish-i dashuri. Cila është zgjidhja që duhet t’i japë çifti kësaj situate?
Politikani Kujtim Gjuzi thotë se kjo nuk është një ngjarje që nuk ndodh, madje ai vetë e ka hequr në kurriz këtë gjë. Në sqarimin e tij lidhur me këtë deklaratë, thotë se kanë ndodhur konflikte për shkak të të afërmve që kanë ndërhyrë në çështjet familjare.
Aldo: I dashur, ngjarja është pak e sikletshme me thënë të drejtën, kjo ngjarje për të cilën ne po flasim, por nuk është se s’ndodh, ti e di, ndodh apo jo?
Kujtim Gjuzi: Jo vetëm që ndodh, por ndonjëherë ka njerëz edhe si puna ime që e heqin në kurriz këtë gjë.
Aldo: Si, si, si edhe njëherë?
Kujtim Gjuzi: Ka njerëz thashë, edhe si puna ime, që e heqin në kurriz këtë gjë.
Aldo: Çfarë keni hequr në kurriz ju, nuk e di?
Kujtim Gjuzi: Momentet e konfliktit familjar, sidomos kur futen pjesa tjetër që janë hallat, tezet, xhajat, kjo bëhet pak shtrënguese dhe duhet të jesh i vëmendshëm…
Aldo: Hallat? Po ç’punë kanë hallat te familja?
Kujtim Gjuzi: Po tani, gjithmonë familjet shqiptare kanë halla.
Aldo: E qartë, po halla e tezja ç’punë kanë me familjen?
Kujtim Gjuzi: Fusin ato…fusin spica.
Aldo: Prija drutë që në fillim, bjer rehat.
Kujtim Gjuzi: Shiko ne jemi tradicionalë dhe e kemi problem prerjen e druve, megjithatë meqenëse jemi në Tiranë dhe jemi në kushtet e një…
Aldo: Meqenëse përdorim kondicioner, po.
Kujtim Gjuzi: Okej, okej, ta kemi dhomën e ftohtë, mirë e ke. Ne kemi një shprehje në Tiranë, “ore dhëndër mos u bëj mish e lëng në plëng” që do të thotë jo ditë përditë mund të shkosh te vjehrra, jo ditë për ditë mund të vijë vjehrra te shtëpia se ti do ambientin familjar, paksa më intim.
/a.r
