Një person i dyshuar për një sërë vjedhjesh është vënë në prangat e policisë së Tiranës. 38-vjeçari D. B., banues në Tiranë, u arrestua nga efektivët e komisariatit nr.6.
Ai u kap në flagrancë, gjatë natës mes të martës dhe të mërkurës, duke tentuar të hapë dyert e disa mjeteve të parkuara në zonën e Unazës e Re.
Nga tërësia e veprimeve hetimore të kryera ka rezultuar se ky shtetas është autor i disa vjedhjeve të tjera, dhe më konkretisht në 10 mars 2019, në një mjet ka vjedhur një çantë dore me një sasi lekesh dhe sende personale.
Po ashtu më 18 korrik të vitit që lamë pas në një automjet ka vjedhur një portofol me 45 mijë lekë të reja.
Në cilësinë e provës materiale janë sekuestruar sendet që dyshohet se i ka vjedhur, disa ora, parfume, syze të ndryshme, portofola, çanta dore.
Aktualisht vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jetë i implikuar. Ndërkohë materialet iu referuan Prokurorisë Tiranë, për veprën penale “Vjedhja” dhe “Vjedhja e mbetur në tentativë”.
g.kosovari
