Opozitari rus i ekstremit të majtë, Sergueï Oudaltsov i liruar pas dënimit me katër vite e gjysmë burg bëri sot thirrje për të bojkotuar presidencialet e marsit 2018, dukekritikuar si Vladimir Putin por edhe kundërshtarin e tij, Alexeï Navalny.
Shtatë muaj nga zgjedhjet, ai që konsiderohej si një nga drejtuesit kryesorë të protestave anti-Kremlin të viteve 2011-2012 bëri të ditur se e kaluara e tij gjyqësore e pengonte të paraqiste dhe të kundërshtonte më përpara rezultatet e një procesi zgjedhor “aspak të ndershëm”. Por për një periudhë mjaft të gjatë, ai mbrojti tezën e një emergjencë për një forcë të tretë mes pushtetit dhe “opozitës pro-perëndimore”.
“Qeveria mashtron, duke ndryshuar legjislacionin në lidhje me zgjedhjet. Kandidatët e padëshiruar janë distancuar. Është një proces zgjedhor aspak i ndershëm. Qëndrimi im, duhet të bojkotojmë masivisht zgjedhjet”, u shpreh ai gjatë një konference shtypi.
Sergueï Oudaltsov u lirua sot pasi vuajti dënimin me katër vite e gjysmë burg për organizimin e “trazirave masive” gjatë zgjedhjeve të 6 maj 2012, një ditë pas fitores së Vladimir Putin për një mandat të tretë presidencial./b.d
