Do të mblidhet sërish Kuvendi në orën 10:00 mblidhet Kuvendi, por opozita nuk do të jetë e pranishme. Në faqen zyrtare është publikuar edhe rendi i ditës, ku një ndër pikat kryesore që do diskutohen sot është projektvendimi për disa ndryshime në Komisionin e Posaçëm të Apelimit dhe kërkesa për shtimin e personelit të KPK-së.
Po ashtu të mbartura nga seanca e kaluar është edhe miratimi i projektvendimit për magjistratët si dhe ndryshimet në Kodin Rrugor.
Ndërkaq, ende nuk ka informacione zyrtare se ku do jetë opozita sot, por ditën e djeshme kryetarja e LSI-së, Monika Kryemadhi bëri me dije se në vijim opozita nuk do ketë më takime të përbashkëta në rrethe, por palët do zhvillojnë takime me strukturat e partive.
Ja projektligjet në rend dite:
Projektligji “Për një ndryshim në ligjin nr.55/2015, “Për investimet strategjike në Republikën e Shqipërisë”” pdf (nenet 73-77, Rregullore, votim me shumicë të thjeshtë)
Projektligji “Për ratifikimin e marrëveshjes ndryshuese të marrëveshjes së huas dhe programit, ndërmjet Republikës së Shqipërisë, të përfaqësuar nga Ministria e Financave, Fondit Shqiptar të Zhvillimit dhe KfW Frankfurt Am Main, për financimin e programit “Fondi i investimeve sociale IV”
Projektvendim/ Kërkesë “Për një shtesë personeli në Komisionin e Pavarur të Kualifikimit” pdf / pdf (nenet 73-77, Rregullore, votim me shumicë të thjeshtë)
Projektvendim “Për disa ndryshime të strukturës organizative, organikës dhe klasifikimit të pagave të personelit të Kolegjit të Posaçëm të Apelimit” pdf pdf
Projektvendim/Kërkesë “Për shtesë të numrit të punonjësve dhe riklasifikim të pagave të administratës së Institucionit të Komisionerëve Publikë” pdf (nenet 73-77,
Rregullore, votim me shumicë të thjeshtë)
Projektvendim “Për zgjedhjen e një anëtari të Bordit të Institutit për Studimet e Krimeve dhe Pasojave të Komunizmit në Shqipëri pdf (nenet 73-77, Rregullore, votim me shumicë të thjeshtë)
Të mbartura për votim:
– Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
– Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”
a.ç
