EKSKLUZIVE/ Opozita do të marrë pjesë nesër në mbledhjen e komisionit të posaçëm parlamentar për Reformën në Drejtësi. Lajmi u bë i ditur për Javaneës, nga njëri prej anëtarëve të këtij komisioni që i përket opozitës, kryetari i PR-së, Fatmir Mediu. Sipas tij, deri në këto momente vendimi është që opozita të marrë pjesë në mbledhjen e këtij komisioni. “Shpresoj të mos ketë surpriza të metjshme nga ana e mazhorancës, që do ta bënin të pamundur rishtazi pjesëmarrjen e opozitës në komision. Deri në këto momente që po flasim opozita ka vendosur të marrë pjesë në mbledhjen e komisionit të posaçëm parlamentar për Reformën në Drejtësi”, deklaroi Mediu për Javaneës.
Ndërkohë Javaneës mori kontakte dhe me anëtarë të këtij komisioni përfaqësues të PD-së, të cilët konfirmuan vendimin për të marrë pjesë, përsa kohë që mazhoranca do të plotësojë kushtet e opozitës. “Vendimi është që po”, u shpreh një prej anëtarëve të komisionit përfaqësues i PD-së.
Opozita prej më shumë se 2 javësh kishte bojkotuar pjesëmarrjen në këtë komision, duke nxjerrë si argument zbatimin e vendimeve të Gjykatës Kushtetuese sa i përket çështjes së mandateve të deputetëve të PS-së, Valentina Leskaj dhe Rakip Suli. Kusht tjetër i opozitës ishte edhe ngritja e një komisioni hetimor për hetimin e CEZ, kërkesë kjo që duket se është vënë në rrugëzgjidhje sot pas mbledhjes së konferencës së kryetarëve.
(javanews.al) M. A
