Partia Demokratike dhe LSI ka zhvendosur aksionin opozitar për mosbindje civile në Surrel, ku jeton edhe kryeministri Edi Rama.
Forumet rinore te këtyre forcave politike kane bllokuar rrugën lidhëse për të penguar kalimin e ekskortës së shefit të qeverisë.
Protestuesit kanë vendosur një tra metalik si simbol i taksimit të Rrugës së Kombit.
Opozitarët kërkojnë që edhe ai të paguajë për rrugët.
“Ta paguajë edhe ai rrugën se duhet të mirëmbahet”, janë shprehur të rinjtë. Ky veprim, i pari i këtij lloji pranë shtëpisë së një kryeministri, vjen në shenjë proteste kundër tarifës së “Rrugës së Kombit”. Në aksion nuk kanë munguar as thirrjet “Rama ik!”/a.ç
