Deputeti i PD-së, Besart Xhaferri, ka folur në “Now” lidhur me vendimin e kreut të PD-së për të thirrur një protestë ditën e hënë të 17 nëntorit përpara Kryeministrisë.
Deputeti theksoi se protesta do të jetë paqësore dhe do të shërbejë si një thirrje qytetare për çdo çështje që PD e mendon si problematikë.
Sipas tij, protesta nuk do të jetë një akt i vetëm, por nisja e disa reagimeve të vazhdueshme nga opozita, ndërsa theksoi se bojkoti parlamentar nuk është në plan.
“Do jetë një thirrje për një protestë paqësore për të gjitha zhvillimet e fundit që janë të shumta. Parlamenti është gjëja dytësore. Kauza është kapja e shtetit. Një opozite i jepet detyra për thirrjen e një proteste, detyra tani është e qytetarëve për të dalë në protestë.
Parlamenti nuk do ketë bojkot, as komisionet. Protestat duhet të jenë të vazhdueshme dhe të qëndrueshme. Nuk do jetë një protestë që nuk do ndalojë atë ditë, por do bëhet përherë.
Strategjia qëndron në dobësimin e sistemi të shtetit. Edhe në Serbi protestat vazhdojnë prej një viti”, tha Xhferri.
