Kryetarja e LSI, Monika Kryemadhi, ka zhvilluar sot një takim me mbështetës së forcës politike që ajo drejton në njësinë administrative numër 8 në Tiranë. Kryemadhi tha se në 16 shkurt duhet të jenë të gjithë që të protestojnë sepse nuk është një protestë e partive, por është një protestë për shqiptarët.
Njeheresh ajo nenvizoi se nuk do te kete fjalime, duke argumentuar me faktin se njerezit nuk kane nevoje per fjale por kane nevoje per reagim. Per hir te se vertetes, mungesa e fjalimeve qe pritet te mos kete me 16 shkurt ka te beje me krizen e lidershipit, dhe se palet ne opozite nuk kane rene dakord se cili lider, Basha apo kryemadhi do te mbajne fjalen ne emer te opozites.
Per teper qe problem ka qene dhe fakti se kush do ta mbaje i pari fjalen, nese do te flasin te dy, ndaj kane gjetur deri me tani zgjidhjen qe te mos flase askush.
“Ne sot mbajmë vendin e parë në Evropë për azilkërkues, u premtuan 300 mijë vende punë dhe janë 400 mijë që kanë iku. U premtua ulje çmimi energjie dhe u rritë çmimi i energjisë. U premtua shqiptarëve që ulen taksat, u rritën taksat.
U premtuan që do të ulën çmimet e shportës, por u rritën çmimet të për të gjitha produktet. Data 16 shkurt është një datë që opozita e ka lënë për një protestë për të gjithë Shqipërinë.
Nuk duhet të dalin për opozitën, por të dalin për hallin e tyre. Unë shqiptarët i shikojë më të lodhur seç kanë qenë 5 vjet më parë, më të rraskapitur se 5 vjet më parë.
Sot të gjithë shikojnë mundësi të vetme largimin nga Shqipëria. Prandaj 16 shkurti do të jetë një datë ku të gjithë do të mblidhen për të protestuar për hallin e tij. Prandaj në 16 shkurt ju do të jeni me gjithë familjet.
Fjalime nuk do të ketë sepse njerëzit nuk kanë nevojë për fjalë , por kanë nevojë për reagim. Ndryshimi nuk është për të hequr një kryeministër dhe për të vënë një tjetër.
Protesta e 16 shkurti nuk është një protestë politike dhe nuk do ketë flamuj të partive, se nuk është e partive është një protestë e të gjithëve”, tha nder te tjera kryetarja e LSI Monika Kryemadhi.
/a.meta
