Opozita do të vendosë sot datën e protestave anti-qeverisë. Në orën 10:00 është parashikuar një takim mes Bashës, Kryemadhit dhe aleatëve të tjerë opozitarë në parlament. Në takim pritet që të jenë Fatmir Mediu, Nard Ndoka, Dashamir Shehi dhe Agron Duka.
Mbrëmë Basha zhvilloi një takim për rreth 90 minuta me Monika Kryemadhin, e cila ishte e shoqëruar nga Petrit Vasili, ndërsa u diskutua për strategjinë dhe datën e protestës. Pas takimit me aleaten opozitare, Basha priti dy n/ kryetarët e partisë Spahon dhe Palokën.
E ndërsa burime për REPORT TV pohojnë se protestat do të nisin pas datës 20 janar, gjithçka pritet që të konfirmohet vetë sot nga Basha dhe Kryemadhi në konferencën e përbashkët që pritet të zhvillohet.
Pas protestës së fundit në 18 dhjetor kur u zgjodh kryeprokurorja e re Arta Marku, opozita paralajmëroi se në janar do të rifillonte aksioni. PD dhe LSI kërkojnë largimin e qeverisë ‘Rama 2’ pasi akuzojnë kryeministrin se është kapur nga krimi. /b.d
