Wenger e merr sërish një goditje e rëndë. Arsenali është eliminuar nga FA Cup pasi ka pësuar humbje turpëruese 4 me 2 nga Nottinghami në rrethin e tretë.
Kampioni i fundit i kësaj kupe pësoi golin e parë në minutën e 20-të nga Eric Lichaj.
Rezultati u barazua në minutën e 23-të përmes Per Mertesackerit, por vendasit u kthyen në epërsi në fund të pjesës së parë, sërish përmes një goli të Lichaj.
Një rezultat i tillë u përsërit edhe në pjesën e dytë. Brereton dhe Dowell realizuan nga penaltitë për Nottinghamin, ndërsa Danny Welbeck shënoi golin tjetër për Arsenalin. (b.an)
