Nga Mero Baze/
Protesta e banorëve të Unazës së re, që preken nga zgjerimi I rrugës, po kthehet përditë e më shumë, në një çështje politike, duke I ikur objektivit kryesor që ata kanë, lidhur me kompesimin e drejtë.
Duke qenë se problematika e banorëve nuk është e njëjtë për të gjithë, në varësi të statusit që ka prona e tyre, ata duket se kanë dhe problem të unfikimit të qëndrimeve të tyre në raport me qeverinë. Ata që janë me banesa legale kanë problem të marrin maksimumin e çmimit. Të tjerë që kanë ndërtuar në tokë pa leje, janë shumë më të rrrezikuar, pasi nuk ka ligj që të jep të dejtën e kompesimit të tyre. Një kategori kanë objekte biznesi dhe natyrisht humbasin të ardhurat e tyre. Por e gjithë kjo problematikë, mund të thjeshtohej nëse palët diskutonin konkretisht për probelemt e trye dhe protestën të mos e merrte peng politikisht opozita.
Nuk është hera e parë që shpronsimet ndeshin me këtë problem në Tiranë. Njësoj ka qenë problematika e banorëve të Shkzoës një vit më pare, kur u zgjerua Uanza në atë drejtim. Po ashtu njësoj ka qenë probemi tek Pallati me Shigjeta, apo dhe në qendër të Tiranës ku u prish godina e ish INSIG.
Problemi është se një grupi qytetarësh që drejtojnë protestën të lidhur ngusht me opozitën, u është mbushur mendja, se protesta duhet përdorur politikisht pasi kështu mund të sprapset qeveria.
Në të gjithë thirrjet e tyre, përfshi dhe ato që kanë të bëjnë me kërcënime për jetën ndaj kryebashkiakut, janë thirrje të cilat shpresojnë të sprapsin qeverinë nga vendimi për ta prishur, duke u trembur për efektin electoral të saj.
Biles elementi kryesor në këtë betejë, është sulmi ndaj Kryetarit të Bashkisë Erion Veliaj, I cili në fakt nuk është as autor I projektit, as financues I tij. Gjithçka është e qeverisë. Por duke menduar se atë, mund ta dëmtojnë nga pikpamja elektorale disa muaj para zgjedhjeve, betejën e kanë kthyer në një betejë ndaj tij.
Pra është e qartë se protestuesve dhe opozitës u është mbushur mendja se me protestën e Unazës së Re mund ti heqin vota qeverisë dhe ta trembin atë, me qëllim që të tërhiqet.
Kjo është e vetmja aryse që e mban ndezur vatrën e protestës.
Nga ana tjetër ka dhe një ngadalësi të pajustifikueshme të qeverisë me listën e pretenduesve, të cilën duhet ta kishte gati me kohë dhe ta bënte transparente që të zhdukte spekullimet. Dhe kjo I jep vlagë më shumë protestës.
Që kjo vatër të filloj të çmontohet, gjëja e parë dhe e vetme që qeveria duhet të thotë me zë të lart, është se nuk është e interesuar për efektin elektoral të kësaj proteste. Detyra e qeverisë, është të realizoj projektin publik, dhe të kompesoj në mënyrë të drejtë dhe të ligjshme qytetarët.
Ata nga ana e tyre duhet të mbajnë përgjegjësi për vendimet e tyre.
Por qeveria duhet ta bëj të qart se nuk është e shqetësuar për efektin elektoral të protestës. Ajo duhet ti llogarisi si vota kundër, votat e gjithë atyre protestuesve dhe këtu mbaron historia. Vetëm nëse ka guximin të veproj kështu, ajo mund ta ç’militarizoj vatrën e protestës dhe të veproj shpejt pa humbur kohë me ndërtimin e asaj vepre publike.
Opozita nuk ëshët aty se I dhimbsen qytetarët, por se shpreson të ketë vota e tyre nesër në zgjedhje, si njerëz të pakënaqur.
Një qeveri e guximshme, bën zgjedhjen e duhur, në interes të publikut dhe ja fal opozitës ato vota, meqë dëshiron të identfikohet me votues të tillë, ndërsa Kryeqytetit I fal Unazën e Madhe.
Pastaj se çfarë efekt ka kjo gjë përtej Unazës, le ta shikojmë në zgjedhje.
