Kryeministri Edi Rama teksa ka komentuar rekomandimin për çeljen e negociatave, krahas fteses per bashkepunim, nuk ka nguruar të përmendë edhe rolin e opozitës ku nënvizon se ka “lënë kockat” për ta penguar sa më tepër integrimin e Shqipërisë.
“Nuk është fitorja e partisë që u investua me mish e shpirt për këtë ditë kundrejt partisë që bëri gjithçka për të shtyrë këtë ditë!
Nuk është fitorja e qeverisë mbi opozitën që la kockat për ta bërë të pamundur këtë objektiv.
Sot ka fituar atdheu unë i përçmuar prej shumë vitesh nëpër Europë. Sot kanë fituar shqiptarët që të gjithë, pa asnjë dallim. Sot është Shqipëria që ka fituar një status të ri në shoqërinë e vendeve europiane”, u shpreh kreu i Qeverisë.
Shefi i qeverisë ka adresuar edhe një mesazh edhe për kryeopozitarin Lulzim Basha.
“I bëj thirrje opozitës me kryetarin e saj, që kur flasim në gjuhë të huaj, por ti dalim shqiptarisht zot Shqipërisë dhe të ardhmes së saj.
Por do kemi kohën e nevojshme për të folur mbi sfidat e kësaj periudhe të re të historisë së përbashkët. T’i gëzohemi kësaj dite të shënuar, për përpjekjen tonë thuajse 30-vjeçar,” tha Rama.
a.ç
