Në Këshillin për Legjislacionin nisi shqyrtimi një kërkese të 36 deputetësh të PD për shkarkimin e Niko Pelshit si kryetar i kuvendit.
Anëtarët e opozitës ngulmuan që kjo seancë konstituive të ishte hapur nga kryetari kuvendit Niko Peleshi.
Ndërsa anëtarët e maxhorancës u shprehën se Niko Peleshi nuk mund të vinte pasi ka konflikt interesi për aq kohë sa pika e dytë e rendit të ditës ishte kërkesa për shkarkimin e tij.
“Fatkeqësisht ka kryer veprime aktive kundra kushtetutës dhe rregullores. Njëanshmëri politike. Po i mohohet konsensusi opozitës. Në seancën e datës 16, për fat të keq se është vullneti kryetarit të grupit që dikton punët e seancave”, thotë Ivi Kaso.
Ndërkohë, Damian Gjiknuri thotë: “Nëse prishet rendi seanca prishet. Kjo është shumë serioze. Është normale për mazhorancën të marrë kohën. Qëndrimi është politik dhe seanca do ta vendosë”.
Deputeti demokrat Gjin Gjoni u shpreh i sinqertë se çfarë do të prodhojë kjo iniciativë e opozitës: “Ju i keni numrat për mos ta shkarkuar por ne duam që të gjithë të kuptojnë shkeljet”.
Relator nga PS u propozua Damian Gjiknuri ndërsa Ivi Kaso nga PD të cilët do të sjellin në këtë këshill qëndrimet e tyre në seancën e 13 Tetorit.
