Grupi parlamentar i PD dhe i LSI kanë depozituar një kallëzim penal për kryeprokuroren e përkohshme Arta Marku, për shkelje ligjore në zgjedhjen e Bujar Sheshit anëtar të KLP-së i cili ka rezultuar se ka qenë bashkëpunëtor i sigurimit të shtetit.
Kallëzimi i dorëzuar në Prokurorinë e Tiranës këtë të hënë mban firmën e krerëve të grupit parlamentar Edmond Spaho dhe Petrit Vasili.
Sipas PD dhe LSI, Arta Marku kualifikoi Bujar Sheshin si kandidat për në KLP, pa pritur më parë përgjigjen e Autoritetit të hapjes së Dosjeve.
Nisur nga këto shkelje të pretenduara nga opozita, PD dhe LSI kërkojnë pezullimin nga detyra të prokurores së përkohshme Arta Marku.
/a.rada
