Partia Demokratike ka sulmuar publikisht në disa raste gjyqtarin e Gjykatës së Lartë Ardian Dvorani për kryerjen e detyrës së tij nën ndikime politike. Beteja kundër këtij gjyqtari tashmë është vendosur në Gjykatën Kushtetuese, ku Partia Demokratike kërkon largimin e tij. Nuk bëhet fjalë për kërkesë me emër konkret, por PD kërkon rishikim të paragrafit 3 të nenit 5 që sipas tyre lejon Dvoranin të ushtrojë detyrën dhe pse ka dy vite që i ka mbaruar mandati.
Sipas nenit 5, paragrafi tre, Mandati i Gjyqtarit të Gjykatës së Lartë, parashikohet “Gjyqtari, të cilit i ka përfunduar mandati apo i ka mbaruar mandati, sipas shkronjës “c” të nenit 139 të Kushtetutës, vazhdon të ushtrojë detyrën deri në emërimin e gjyqtarit pasardhës”.
Ndëkrohë opozita në kërkesën e saj argumenton se “De facto një praktikë e tillë dhe përmbajtja e vetë ligjit, ka sjellë pasojën antikushtetuese që për këtë anëtar të Gjykatës së Lartë, mandati kushtetueses nga 9 vjet të shndërrohet me ligj në 11 vjet apo më shumë”.
Kushtetuesja pritet të marrë në shqyrtim këtë padi më datë 3 maj ora 10, aty ku kërkohet shfyqizimi i ndryshimeve ligjore të bëra me konsensus në vitin 2013.
