Kryetarja e LSI Monika Kryemadhi u ka bërë thirrje shqiptarëve t’i bashkohen protestës të shtunën.
Pasi opozita braktisi punimet e Kuvendit, ajo dha një prononcim për mediat ku deklaroi se vendi sipas saj është uzurpuar nga krimi dhe populli duhet të ngrihet.
E pyetur nëse opozita do qëndrojë në shesh ajo dha këtë përgjigje:
“Ne do udhëhiqemi nga qytetarët, ne jemi peng i qytetarëve do shikojmë se çfarë do bëjnë ata ditën e shtunë”.
“Të gjithë e shikojmë që nuk ka më asnjë shpresë për të pasur besimin tek kjo maxhorancë. Sot tregoi edhe njëherë se nuk ka më shpresë dhe asnjë të ardhme. Kanë uzurpuar parlamentin. Sot ngjarja në Kuvend, nuk ka më asnjë zgjidhje, por e vetmja zgjidhje është vetëm dalja në rrugë, dhe për ti thënë Ramës se ka ngelur vetëm. Është një tellall i dalë boje që ndryshon fasadën e trupit të tij me ngjyra.
Dua tu bëj të qartë edhe njëherë, mos ndaloni në asnjë moment duke qenë se jeni ata që na jepni shpresë”, tha Kryemadhi./a.m.
