Edhe këtë javë, opozita ka ofruar një shfaqje të turpshme, ku mbajti të bllokuar foltoren e Kuvendit që prej nisjes së seancës, ndërsa deputetët, të drejtuar nga kryetari Basha, vijojnë fjalimet e tyre live në Facebook.
Prej disa javësh opozita ka penguar vazhdimin normal të seancave plenare, ndërsa vendi ndodhet në një moment kyç, ku pret edhe hapjen e negociatave
Me siguri, shfaqje të tilla nuk i bëjnë mirë procesit
Pas ndërprerjes së seancës parlamentare për herë të tretë, kreu i grupit parlamentar i të PS, Taulant Balla u shpreh se në sallë ishte i pranishëm edhe deputeti gjerman.
“Deputeti gjerman ishte sot në Kuvendin e Shqipërisë. Partia Social Demokrate gjermane e cila është pjesë e koalicionit qeverisës në Gjermani, është një mbështetëse e madhe e procesit të zgjerimit europian. Social demokratet gjermanë mbështesin hapjn e negociatave të Shqipërisë më BE”, u shpreh Balla.
Deputeti gjerman i partisë social demokrate u shpreh se ishte hera e parë që ndodhet në Shqipëri. Ai vlerësoi reformat e qeverisë dhe u shpreh optimist për hapjen e negociatave.
“Pritet një vendimi i madh ajo që do të ndodhë. Shqipëria ka bërë progres me reformat”, u shpreh ai.
Javanews.al/a.ç
