Komisioni i Venecias publikon opinionin final për presidentin Ilir Meta, lidhur me veprimet e këtij të fundit sa i takon zhderkretimit të datës së zgjedhjeve. Në opinionin e “Venecias” thuhet se Metës i duhej bazë ligjore për të anuluar zgjedhjet.
Nga ana tjetër Komisioni shprehet se në rast të bojkotit parlamentar, zgjedhjen nuk kanë arsye përse të shtyhen.
“Në përgjigje të kërkesës për një mendim nga Kryetari i Kuvendit të Shqipërisë, Komisioni i Venecias arrin në përfundimin se, në mungesë të një dispozite ligjore për këtë çështje, Presidenti mund të anulojë zgjedhjet për organet e qeverisjes vendore në një situatë e cila plotëson kriteret për marrjen e masave emergjente. Edhe atëherë Presidentit i duhet një bazë ligjore specifike – ad-hoc – për të shtyrë zgjedhjet”, thuhet në opinionin e Venecias, i cili mban datën 14 tetor”.
Më tej në raport citohet se kreu i shtetit dekretoi datën 30 qershor si datë zgjedhjesh , por për shkak të djegies së mandateve të deputetëve nga opozotia, Presidenti e anuloi datën e zgjedhjeve duke renditur si arsye: shqetësimin e thellë për situatën politike në vend; nevojën për mos tensionim të situatës në vend; kushtet aktuale nuk do të siguronin rend demokratik, përfaqësues dhe zgjedhje gjithëpërfshirëse; kjo vendimmarrje, në këto kushte, është mënyra e vetme për të ndihmuar në zgjidhjen krizës së rëndë e vendit; kjo vendimmarrje bazohet në kompetencën e dhënë në nenin 92, shkronja “gj” e Kushtetuta, si dhe në parathënien e Kushtetutës së Republikës së Shqipëria, pika 3 e nenit 1, neni 3, pika 2 e nenit 4, neni 15, neni 45, paragrafi 1 i nenit 86 paragrafi 3 i nenit 88 dhe neni 93 i.
Komisioni Qendror i Zgjedhjeve si organi përgjegjës për organizimin, administrimin dhe kryerja e procesit zgjedhor nuk e konsideroi të detyrueshëm zbatimin e dekretit të Presidentitër anulimin e datës për zgjedhjet lokale, por vazhdoi me administrimin e procesi zgjedhor, duke arsyetuar se ky akt i Presidentit është absolutisht i pavlefshëm, sepse Presidenti kishte kapërcyer fuqitë e parashikuara me Kushtetutë. Sipas KQZ-së, ndryshimi data e zgjedhjeve nuk është një prerogatim i Presidentit i parashikuar në Kushtetutë.
/a.r
Kliko këtu për raportin e plotë
