Ditën e somte policia ka finalizuar operacionin anti-drogë në lagjen 13 të Durrësit, të nisur që prej ditës së djeshme ku u vunë në pranga dy persona, Vilson Memini dhe Erges Shehi ! Policia e Shtetit, në bashkëpunime me Forcat e Ndërhyrjes së Shpejtë kanë vendosur në pranga edhe dy të rinj të tjerë, të idenfikuar si Armando Gjoka, 55 vjeç dhe Agron Baçi, 52vjeç, banues në Tiranë.
Mësohet se këta dy të fundit kishin ardhur në zonën e plazhit për të blerë kokainën e Meminit dhe Shehit. Policia bën me dije se në momentin që ata të dy kanë vënë re prezencën e bluve, kanë kundërshtuar me dhunë dhe kanë tentuar të largohen, por janë neutralizuar dhe arrestuar gjatë ndjekjes. Gjate tentativës për t’u larguar, Gjoka dhe Baçi kanë hedhur një pako, e cila më pas u konstatua si lëndë narkotike e llojit kokainë, me peshë rreth 900 gramë. Në cilësin e provës materiale janë sekuestruar 6 celularë, 1 taksi dhe lënda narkotike.
Njoftimi i policisë:
Finalizohet operacioni policor antidrogë i koduar “Taksisti”. Vihen në pranga 4 shtetas. Sekuestrohen 900 gramë lëndë narkotike kokainë.
Në vijim të goditjeve të njëpasnjëshme ndaj veprimtarisë kriminale në fushën e narkotikëve, specialistët e Seksionit për Hetimin e Narkotikeve, në bashkëpunim me Forcën e Posaçme Operacionale në DVP Durrës, bazuar edhe në informacionet e marra në rrugë operative, finalizuan me sukses operacionin policor të koduar “Taksisti”, në kuadër të të cilit u bë kapja dhe arrestimi në flagrancë i shtetasve:
- Sh., 30 vjeç, V. M, 29 vjeç (i dënuar me pare me korrupsion aktiv), A. Gj., 55 vjeç, të tre banues në Durrës dhe A. B., 52 vjeç, banues në Tiranë.
Specialistët për Hetimin e Narkotikëve, pas një informacioni të marrë në rrugë operative se shtetasi A. Gj. kishte ardhur në zonën e Plazhit, me mjetin e tij taksi, së bashku me shtetasin A. B. (pasagjer), për të blerë një sasi lënde narkotike tek dy shtetas të tjerë, kanë organizuar punën për kapjen e tyre.
Në momentin e konstatimit dhe të ndërhyrjes së Policisë, shtetasit E. Sh. dhe V. M., të cilët posedonin lëndën narkotike, ndodheshin në një lokal në zonën e plazhit dhe sapo kanë vënë re prezencën e Policisë kanë kundërshtuar me dhunë dhe kanë tentuar të largohen, por janë neutralizuar dhe arrestuar nga Policia gjatë ndjekjes.
Gjate tentativës për t’u larguar, këta shtetas kanë hedhur një pako, e cila më pas u konstatua si lëndë narkotike e llojit kokainë, me peshë rreth 900 gramë.
Gjatë operacionit u bë kapja dhe arrestimi edhe i dy shtetasve të tjerë A. Gj. dhe A. B., të cilët do blinin lëndën narkotike.
Në cilësinë e provës materiale u sekuestrua lënda narkotike, automjeti taksi dhe 6 aparate celular.
Materialet i kaluan Prokurorisë pranë Gjykatës së Shkallës së Parë Durrës, për hetime të mëtejshme, për veprën penale “Prodhimi dhe shitja e lëndëve narkotike”, kryer në bashkëpunim.
Operacioni nisi ditën e djeshme, ku fillimisht dy të rinjtë kanë tentuar që të largohen me vrap por e shtëna në ajër e një prej efektivëve të Policisë i ka “ngrirë” në vend. Duke i dorëzuar kështu në prangat e efektivëve. Dosja.al ka sjellë edhe pamjet e arrestimit të të rinjve, ku dallohet momenti që janë kapur prej krahësh nga dy efektivë të maskuar, ndërsa sot kanë rënë në pranga edhe bashkëpunëtorët e tyre.
g.kosovari
