Policia e Tiranës ka arrestuar një 28-vjeçar nga Shkodra, i cili u kap me dy armë zjarri që dyshohet se do t’i shiste te persona të përfshirë në krime kundër jetës dhe pronës.
Operacioni i koduar “Black Market” u zhvillua nga Policia e Komisariatit Nr. 4, si pjesë e kontrolleve për të kapur personat që lëvizin të armatosur dhe që rrezikojnë sigurinë e qytetarëve.
I arrestuari, shtetasi A. M., ka qenë më parë i dënuar për shitje të lëndëve narkotike dhe dyshohet se është pjesë e një grupi kriminal që vepron në Shkodër.
Gjatë kontrollit në makinën me të cilën po lëvizte në zonën e Alliasit, policia gjeti dy pistoleta, që dyshohet se ai po i shiste.
