Operacioni antikanabis, në bashkëpunim me italianët
I gjithë territori i vendit po monitorohet nga toka dhe ajri, në bashkëpunim me policinë italiane. Operacioni anti – kanabis ka angazhuar qindra forca policore në terren. Nëdrejtori i policisë, Altin Qato thotë se me italianët po punohet prej kohesh.
Dukagjini është zona më problematike. Shkatërrimi i parcelave me kanabis vijon prej më shumë se 1 javë.
Janë mbi 60 mijë rrënjë bime narkotike, por me mijëra rrënjë janë asgjësuar edhe në zona të tjera, që konsiderohen kritike, si Tirana, Kavaja, Kruja, Bulqiza, Shkodra, Vlora e Tepelena.
Nga janari deri në gusht të këtij viti janë ndaluar dhe arrestuar 162 kultivues droge më shume se e njëjta periudhë e një viti më parë.
Monitorimi, thotë nëndrejtori i policisë, do të vijojë, po në bashkëpunim me italianët. Po kështu, në bashkëpunim me Prokurorinë po punohet për të zbuluar kultivuesit.
