Mediat italiane zbulojnë se nga operacioni ndërkombëtar antidrogë i zhvilluar ditën e djeshme mes Shqipërisë dhe Italisë ku u arrestuan 37 persona, 27 persona ishin shqiptarë dhe 10 shtetas italianë.
Nga këto arrestime janë dhënë për 25 të arrestuar masa ‘arrest me burg’ dhe për 12 të tjerët është dhënë masa “arrest shtëpie”. Pjesë e grupit janë edhe 2 gra, ndërsa rolet e tyre ishin të ndara.
Grupi kriminal i cili u shkatërrua vepronte prej 5 vitesh, dhe në Shqipëri operacioni u shtri në Tiranë e Vlorë. Në operacionin e drejtuar nga Anti- Mafia dhe Prokuroria Italiane, bashkëpunuan me Policinë shqiptare dhe SPAK.
/e.rr
