Policia e Shtetit vijon aksionet antikanabis në të gjithë vendin, ku vetëm në 24 orët e fundit janë asgjësuar plot 11.067 bimë narkotike. Burime zyrtare bëjnë të ditur se janë arrestuar edhe dy persona, raporton Top Channel.
Konkretisht, në Shkodër janë arrestuar Ndrek Leka dhe Gjovalin Mali për kultivimin e hashashit në fshatin Pylaj. Në kavajë janë proceduar në gjendje të lirë dy kryepleq të dy fshatrave, Zambishtë dhe Çeke, B. B dhe A. M për moskallëzim krimi dhe shpërdorim detyre. Kjo pasi një ditë më parë në këto fshatra u asgjësuan 7090 rrënjë bimë narkotike dhe u sekuestrua 100 kg marijuanë. Operacionet vijuan më pas në Shkodër, Tepelenë, Vlorë, Krujë, e Bulqizë.
