Policia e Vlorës gjatë një kontrolli të ushtruar në një banesë ka sekuestruar lëndë shpërthyese, armë dhe lëndë narkotike, ndërsa ka vendosur në pranga poseduesin, Roland Veizaj.
Veizaj kishte të fshehur në banesë një kallëp tritol, një armë zjarri, fishekë të ndryshëm dhe 32 gr kanabis.
Policia vazhdon hetimin për të zbardhur rrjetin dhe qëllimet e posedimit të tritolit dhe armës nga ana e 30 vjecarit nga Vlora.
Njoftimi i plotë
Sekuestrohen nga Policia një armë zjarri Automatik model 56’, 55-fishekë dhe 32 gr lëndë narkotike të llojit “Cannabis-sattiva”!
Arrestohet në flagrancë poseduesi i tyre, shtetasi:
* Roland Veizaj, 30 vjeç, banues në Vlorë.
Arrestimi i këtij shtetasi u krye në flagrancë në banesën e tij në lagjen “4-Heronjtë”, pasi Strukturat e Policisë së Vlorës, ditën e djeshme, gjatë kontrollit të ushtruar në banesën e këtij shtetasi, kanë bërë të mundure gjetjen dhe bllokimin e materialeve të mëposhtëme:
* një armë zjarri tip “Aautomatik model 56’,
* një krëhër të mbushur me 30 fishëkë të kalibrit 7.62 mm,
* 25 (copë) fishekë të tjerë të kalibrit 7.62 mm,
* 32 gr lëndë narkotike (e thërrmuar) të llojit “Canabis”,
* një kallëp tritoli, ngjyrë kafe, të cilat u sekuestruan në cilësinë e provës materiale.
