Policia e Shtetit ka zhvilluar sot një tjetër operacion ndërkombëtar antidrogë me Policinë Italiane. Në operacionin e koduar “Boaster”, jane arrestuar 19 persona, 17 prej tyre në Itali dhe 2 në Shqipëri, si dhe jane shpallur në kërkim 3 të tjerë. Operacioni nisi në orën 06:00 të mëngjesit të sotëm. Në operacion u përfshinë strukturat: Drejtoria për Hetimin e Narkotikëve dhe Trafiqeve, ZQK Interpol Tirana, D.V.P. Durrës, Tiranë dhe Elbasan. Në kuadër të Operacionit “Boaster”, në vendin tonë dhe në Itali u arrestuan gjithsej 19 persona si pjesë e një organizate kriminale që merrej me trafikimin e lëndëve narkotike ne zonën e Veriut të Italisë dhe në vendet e BE-së. Organizata kriminale ishte e përbërë nga Tunizianë, Marokenë, Shqiptarë dhe Italianë.
Veprimtaria hetimore dhe policore e filluar në vitin 2014 ka mundësuar identifikimin e autorëve me origjinë Tuniziane, Rumune, Italiane dhe Shqiptare të cilët kryenin veprimtarinë e paligjshme në zonën e Padovës. Puna e vazhdueshme dhe konstante e zyrës Interforcë, Nuklit Hetimor të Karabinierisë së Padovas në bashkëpunim të ngushtë me strukturat e Policisë e Shtetit Shqiptar dhe Oficerët Ndërlidhës të saj në Bari e Romë, ka bërë të mundur lokalizimin dhe arrestimin e 19 shtetasve, pjestarë të grupit kriminal me shumicë Tuniziane dhe Rumune. Veprimtaria kriminale ishte ajo e shpërndarjes dhe shitjes së Kokainës dhe Heroinës. Nga Strukturat e Policisë së Shtetit të përfshira në këtë operacion janë arrestuar në Shqipëri shtetasit:
E.M, 32 vjeç, A.A, 29 vjeç, nga Tirana dhe Durrësi.
Ndërsa në Itali janë arrestuar 17 shtetas, nga të cilët 7 janë shqiptarë:
A.E, 29 vjeç, A.F, 33 vjeç, A.GJ, 29 vjeç, D.K , 34 vjeç, F.K, 31 vjeç, F.N,30 vjeç, F.T, 27 vjeç, këta janë shtetas shqiptarë nga qytete të ndryshme të Shqipërisë. S.I, 30 vjeç, M.N, 26 vjeç, K. B, 32 vjeç, M.B, 32 vjeç, L. B, 33 vjeç, H. CH, 25 vjeç, A.T, 44 vjeç,R. N, 33 vjeç, B. T, 42 vjeç, këta shtetas janë nga Tunizia, si dhe shtetasi A.C, 34 vjeç nga Rumania.
Vijon puna për kapjen edhe të tre shtetasve te tjerë të shpallur në kërkim.
ma.me
