Karabinierët italianë realizuan sot një operacion historik kundër “Ndrangheta”-s, mafia kalabreze, me 334 arrestime në të gjithë Italinë dhe deri në Gjermani.
Që prej agimit u njoftuan urdhërarreste për avokatë, sipërmarrës të ndryshëm, llogaritarë, një kolonel të karabinierëve,funskionarë bashkiakë apo të gjykatave dhe një ish-parlametar i Forza Italia e Silvio Berlusconit.
Rreth 2 500 karabinierë, përfshirë dhe anëtarë të njësisë së elitës, morën pjesë në këtë aksion, të mbështetur nga parashutistët e ushtrisë.
Personat e arrestuar akuzohen për krijimin e shoqërive kriminale me karakter mafioz, vrasje, zhvatje, përdhunimin dhe pastrim parash. Disa ndodhen tashmë në burg, ndërkohë që të tjerë po mbahen nën vëshgim në shtëpitë e tyre.
Operacioni i quajtur “Rinascita Scott” është si rezultat i një hetimi që ka zgjatur që prej të paktën tre vitesh. Ai ka pasur në shënjestër ‘Ndranghetan e Vibo Valentias (Kalabri) por gjithashtu edhe 11 rajone të tjera të Veriut të Italisë (Lombardi, Venecia, Piemont), të pjesës qendrore të Italisë (Liguria, Emilia-Romanja, Toskanë, Latium) dhe të jugut të Italisë (Siçili, Pulia, Kampani, Bazilikate).
Disa të dyshuar janë arrestuar gjithashtu në Gjermani, Zvicër dhe Bullgari në bazë të mandat arresteve europiane.
“Kjo është një ditë historike për Kalabrinë. Bëhet fjalë për aksionin më të madh që prej kohës që u krye procesi më i madh i Palermos, me 475 të akuzuar, të gjykuar nga shkurti i vitit 1986 deri në dhjetor 1987, kundër mafias siçiliane (Cosa Nostra)”, theksoi prokurori anti-mafia i Catanzaros, Nicola Gratteri, 60 vjeç, i cili ka drejtuar operacionet.
