Dhjetëra forca policore të Forcave të Ndërhyrjes së Shpejtë, ekipi i Shqiponjave, agjentë civilë dhe drejtues të Komisariatit të Sarandës po zhvillojnë një operacion anti-drogë në lagjen numër katër të qytetit jugor të Sarandës.
Mësohet se operacioni ka nisur në orën 18:00 dhe vijon prej pesë orësh. Uniformat e shtetit kanë mësyrë në banesa dhe po ushtrojnë kontrolle. Kontrolle gjithashtu po ushtrohen edhe në disa biznese në zonë.
Parapraisht bëhet me dije se operacioni ka në fokur goditjen e aktivitetit të shpërndarjes dhe trafikimit të drogave të forta. Informacionet e kanë çuar policinë në lagjen numër katër të Sarandës bregdetare.
g.kosovari
