Këngëtarja e njohur Britney Spears, njihet tashmë për lajmet bombastike që poston në rrjetin e saj social, Instagram. 42-vjeçarja shpërndau rastësisht një foto, ku shihet teksa qëndron mes aktorit, Ben Affleck dhe këngëtares legjendare, Diane Warren.
Postimi, në dukje i pafajshëm, doli shumë më “pikant” sesa mund ta imagjinonin fansat. Spears shkroi se fotografia bardh e zi, u shkrep në të njëjtën natë kur ajo puthi Affleck.
“Foto e bukur e imja, Ben Affleck dhe Diane Warren vite më parë!!! Ai është një aktor kaq i mrekullueshëm. Kam harruar të përmend se u putha me Benin atë natë… Sinqerisht harrova… dreqin kjo është çmenduri!!! Do të doja t’ju tregoja historinë që ndodhi para saj!!! Po bëhem thjesht një thashethemaxhie”, u shpreh artistja në postimin e saj të Instagram-it.
Fotoja e treshes besohet se është bërë diku rreth vitit 1999.
/a.r
