Shoqata Omonia ka dalë me një deklaratë për shtyp pasi gjykata vendosi masën arrest me burg për Fredi Belerin.
Sipas tyre propaganda e Ramës, Goros dhe Partisë Socialiste kanë përhapur lajme të rreme se Beleri nuk është më kandidat, gjë që ata jo vetëm e mohojnë, por thonë se votat e qytetarëve më 14 maj do e shpallin fitues.
“Në bazë të kushtetutës dhe ligjeve në fuqi, ju sigurojmë se Z.Beleri është kandidat dhe me votën e banorëve të dielën do të jetë kryetar bashkie i Himarës,” – thuhet në deklaratë.
Deklarata e plotë:
Propaganta e Ramës, Goros dhe Partisë Socialiste, përhapin lajme të rreme se Fredi Beleri nuk është më kandidat. Në bazë të kushtetutës dhe ligjeve në fuqi, ju sigurojmë se Z.Beleri është kandidat dhe me votën e banorëve të dielën do të jetë kryetar bashkie i Himarës !
Për të çelur faqen e re të ndryshimit për Himarën !
Për kthimin e plotë të pronës !
Për vendosjen e plotë të dinjitetit të qytetarëve !
Për të rikthyer shpresën !
Të gjithë së bashku për fitoren e madhe !
Omonia Himare
